Јас сум Свеста која се изразува низ различни улоги, секоја од нив повикана од желбата за раст, вертикална интеграција и холистичка трансформација.

​

Како Сертифициран Јога учител, создавам простор за враќање кон телото, здивот и внатрешниот мир. Преку праксата на видови Јога, ги поддржувам луѓето да изградат подлабока врска со своето тело, да најдат баланс и да живеат посвесно.

​

Како Сертифициран Тренер за Позитивна Психологија, ги водам луѓето кон откривање и негување на нивните внатрешни ресурси, сили и потенцијали. Вистинската промена започнува кога ќе ја препознаеме сопствената предност, инспирација и ќе избереме да живееме со намера и благодарност.

​

Како Сертифициран НЛП Мастер Тренер, им помагам на луѓето да ги препознаат и трансформираат ограничувачките уверувања, да дознаат што всушност се уверувањата, да изградат нови перспективи и да создадат усогласеност меѓу мислите, емоциите и дејствата.

​

Како Духовен водич, држам простор за подлабоко Себеспознавање, насочувам кон самостојно внатрешно исцелување, медитативна и енергетска практика за освестување на вертикалната директна конекција со Изворот. Го поддржувам секој човек на своето уникатно патување кон автентичност, мир и интеграција, и согласно праксата ја моделирам.

​

Како Говорник, ја споделувам мојата порака на начин да е јасна, свесна и мотивирачка, оставајќи простор за нови, изменети и уште посвесни согледувања и споделувања.

​

​Сите споменати во комбинација со семејните улоги на мајка, сопруга, ќерка, сестра, пријател, придонесуваат за плодно тло, од кое растат плодови на длабоки разбирања, повисоки перспективи и сочувство. Во суштината на сè што правам е знаењето дека секој човек ја носи во себе мудроста, силата и потенцијалот за длабока трансформација односно Себеспознание. Мојата мисија е да бидам поддршка, фасилитатор, простор и инспирација на тој пат, како пријател пред сè.

​

Низ моето повеќегодишно искуство во работа со луѓе преку часови, работилници, индивидуални сеанси и повеќе од децениска работа на себе, јас сум специјализирана да ве потсетам како да управувате и се ослободите од стресот, сенките, траума, анксиозност и емоционални отпори, преку практикување видови јога, медитација, останати соматски, ментални и енергетски техники, современи научни информации и есенцијални, архаични духовни знаења.

​

Името Јога Свест Терапија се однесува на длабоко поврзани полиња кои укажуваат на:

• Јога како Холистички приод или Целовитост при работењето

• Свест како хипероним за сè она што значи работа со Свеста и

• Терапија како етимолошкото значење на зборот, а тоа е грижа, нега и служба на другиот.

Грижлив, терапевтски пристап на работа, а тоа значи дека нема магично апче, туку нештото процветува со посветеност, повторување и работа со тело, ум и Свест.

​

Напомена: Сите текстови и слики на сајтот се во негова сопственост, и е забрането копирање, преработување или реобјавување. Програмите наведени не претставуваат психотерапевтски или медицински третман.